Pas tërheqjes së Kosovës nga anëtarësimi në INTERPOL, ka ardhur edhe reagimi i ministrit të Jashtëm, Ivica Daçiç.
Daçiç deklaroi se arsyeja pse Kosova tërhoqi kërkesën e saj për pranim në INTERPOL, është nga që kuptoi se nuk kanë shans për të kaluar në votim. Ai e cilëson këtë gjë si një dëshmi të forcimit ndërkombëtar të Serbisë.
“Kjo është dëshmi e pozicionit të forcuar ndërkombëtar të Serbisë dhe një përfundim i iluzionit se Prishtinës i lejohet gjithçka. Prandaj, aktet e njëanshme të Prishtinës nuk mund të kalojnë me Serbinë që është më e fortë”, u shpreh ai.
Daçiç u shpreh se do të ishte më mirë për Kosovën nëse ata nuk do të kandidonin sepse vota do të tregonte se ata kanë humbur edhe disa nga mbështetësit që kishin.
“Në shtatë ditët që shkuan, unë kam marrë konfirmimin nga diskutime me ministrat e jashtëm të 81 vendeve”, deklaroi Daçiç.
