Presidenti i Shteteve të Bashkuara ka folur për sanksionet ekonomike ndaj Kinës, ndërsa është treguar i ashpër për veprimet tregtare ndaj saj. Sipas tij, SHBA do që të gjithë të respektojnë parimet e reciprocitetit, ndërkaq sulmoi Kinës se ajo po ndjek veprime të njëanshme në lidhje me sanksionet.
Teksa ka folur para mediave,Trump ka thënë se SHBA-të po rishikojnë krijimin e planeve të reja ekonomike me BE, pasi Kina ka treguar forcë dhe bllokim për Amerikën.
“Ne aktualisht po diskutojmë për disa çështje me Kinën. Ne do të kujdesemi të ulim deficitin tregtar në të gjithë botën. Ne po shikojmë mundësi për marrëveshje me Bashkimin Evropian, pasi Kina ka treguar mungesë reciprociteti”-tha Trump.
Gjithashtu Trump teksa foli për “plani 301”, i cili do të rishikojë veprimet e padrejta në fushën ekonomike, paralajmëroi një sërë sanksionesh ndaj Kinës, kryesisht në fushën e teknologjisë.
“Ne duam reciprocitetin, por nëse ata do të vendosin sanksione edhe ne do të përgjigjemi me të njëjtën mënyrë. Shumë vende duan të kenë marrëdhënie të mira me ne. Por, pas diskutimeve të shumta në do të vendosim barriera për shtetin e Kinës”-vijoi ai.
Kreu i Shtëpisë së Bardhë tha se po bëhen veprime të cilat duhet të ishin bërë më parë, pasi ndaj SHBA-së janë bërë veprime të padrejta në fushën ekonomike
“Ne po bëjmë gjërat që duhet të ishin bërë kohë më parë, pasi kanë përfituar më shumë se duhet nga SHBA-të. Ne po mbrojmë teknologjinë dhe ekonominë e SHBA-ve. Plani 301, synon të rishikojë veprimet e padrejta në fushën e ekonomisë”-përfundoi ai. TIRANA TODAY
