Gjykata e Tiranës ka vendosur masën “arrest me burg” për shtetasin Vladimir Gjuta.
Ky i fundit u arrestua 3 ditë më parë pasi tentoi të hynte në selinë e PS-së me armë. Pas seancës gjyqësore, avokati i tij tha se kërkesa e prokurorisë bazohej vetëm në faktin e sasisë së parave që kishte me vete.
Avokati deklaroi se Gjuta i ka pasur me vete paratë me qëllimin për t’i thyer në ‘Exchange’.
“Ka mbrojtur pasurinë e vet, kështu e ka menduar ai. Me paratë ai pretendoi se paratë janë të ligjshme dhe i ka siguruar nga biznesi në Angli së bashku me familjarët. I duheshin për të krijuar një biznes, tregti me mallra amerikane. prokuroria kërkoi arrest me burg vetëm për paratë e gjetura. Paratë do i thyente për biznesin e tij”, tha avokati.
Gjuta ka pasur me vete një pistoletë të mbushur, një karikator me 22 fishekë, si dhe një shumë e madhe parash.
