Në ambientet e jashtme të selisë së Partisë Demokratike, janë shënuar incidentet e para. Mbështetës të ish-kryeministrit Sali Berishës, janë përplasur me Sekretarin e PD-së Roland Bejko.
Ky i fundit ka qenë duke hyrë në drejtim të portës anësore të PD-se, kur mbështetës të Berishës i janë afruar, e kanë sharë dhe shtyrë Bejkon.
Raportohet se përplasja ka vijuar edhe jashtë ambienteve të PD-se, në rrugë, ku një grup personash e kanë shtyrë dhe goditur Roland Bejkon.
Protestuesit i kanë treguar kartën e anëtarësisë dhe e kanë shtyrë Bejkon, ndërkohë që një prej tyre ka tentuar ta godasë edhe me çadër.
Roland Bejko është larguar nga ambientet e PD-së, dhe nuk ka mundur dot të hyjë për të qenë i pranishëm në mbledhjen e Kolegjit të Kryetarëve.
