Tensionohet situata në protestën e shtatë të opozitës së bashkuar. Teksa Basha fliste, protestuesit kanë vërshuar drejt gardhit metalik duke e çarë atë me forcë.
Në këtë moment, ka ndërhyrë Basha teksa u ka bërë thirrje protestuesve që të “mos i prekin policët, vëllezërit tanë”.
“Mos i prekni policët, mos i prekni! Ata janë vëllezërit tanë, që goja s’ua thotë dot por e mendojnë çdo ditë padrejtësinë që kjo qeveria u ka bërë shqiptarëve”.
Po ashtu, protestuesit nuk janë kursyer as me godinën e Kryeministrisë, ku ashtu si herët e tjera e kanë sulmuar atë me kapsolla, tymuese e me bojë blu.
