Në kufirin grek me Maqedoninë e Veriut situata është tensionuar, emigrantët janë përplasur me policinë në përpjekje për të vazhduar rrugën e tyre drejt Gjermanisë.
Refugjatët janë nisur për të kaluar ilegalisht përmes Ballkanit dhe për të vazhduar rrugën drejt Europës Perëndimore, por nuk janë lejuar nga policia në kufirin grek.
Policia hodhi gaz lotsjellës kundër nënave dhe fëmijëve, ndërsa shumë të tjera u nisën drejt një stacioni grek dhe u përleshën me trupat në kufi.
Sipas njoftimeve, disa emigrantë jashtë kampit Diavata hodhën gurë në drejtim të policisë, e cila më pas u përgjigj me gaz lotsjellës. Qindra të tjerë u tërhoqën zvarrë.
“Njerëzit duan që qeveria të hapë kufijtë në mënyrë që të shkojnë në një tjetër vend. Këtu ndihemi shumë keq dhe ka shumë problem”, u shpreh një emigrant nga Iraku.
Me thirrjet e tyre “Gjermani” dhe “Hapni kufijtë”, refugjatët u shtrinë në shinat e trenit, ndërkohë që shërbimi i trenave u pezullua.
