Duke u ulur këmbëkryq në rrugë, kryetarja e LSI-së Monika Kryemadhi është përplasur me policinë.
Kryemadhi ka shpërthyer në një revoltë të hapur, ndërsa ka konfirmuar për mediat se ndonëse Teatri është një gërmadhë, ajo nuk do të largohet.
Me tone të larta, Kryemadhi kërkoi bashkëpunim nga të gjithë shqiptarët, që të bëhen bashkë, për të shporrur Ramën. “Mua këtu me kanë. Do bëj detyrat e mia, planet e mia. Do qëndoj këtu me protestuesit”, tha Kryemadhi.
“Ai fadromisti që shembi godinën, në burg do shkoj. Ajo policia që goditi Silva Cakën, me thonjtë e saj do mbytet. Ta mbaj mend çdo policë që ka prekur me dorë qytetarët, do e kemi personale. Prokuroria shqiptare dhe reforma në drejtësi që na kanë çarë veshët, këta ndërkombëtarët nuk kanë folur. Prokuroria të identifikojë policët pa numra, se nuk e dimë në janë bandit apo banda kriminale”, u shpreh Kryemadhi.
