Gazetari gjerman Peter Tiede i është përgjigjur me të njëjtën monedhë kryeministrit Rama, pasi ai tha se do e padiste në gjykatat gjermane.
Tiede ka replikuar në Twitter, poshtë postimit të Ramës. Ai e pyet se përse do e padisë, kur kasetat janë reale, ndërsa i kujton se në Shqipëri nuk punojnë gjykatat.
“Z. Kryeministër, ju doni të më padisni? Për shkak se fyeva madhërinë tuaj, apo çfarë? Përgjimet janë reale. Apo dyshoni për materialin e prokurorëve tuaj? Në Shqipëri, ju nuk mund të më padisni: cila gjykatë punon? I kënaqur që e konfirmuat”, shkruan Peter.
Rama ia mbledh gazetarit: Do të çoj në gjykatën gjermane, provoje e bë lojëra me sekretet hetimore
Në postimin e tij të fundit në Twitter, Rama paralajmëroi se do të padiste në gjykatë gazetarin gjerman Peter Tiede, që ka publikuar në gazetën “Bild” audio-përgjimet.
