Forcat e policisë kanë larguar me forcë mëngjesin e sotëm banorët e zonës së Bregut të Lumit në Tiranë, pasi kundërshtojnë shembjen e ndërtesave të tyre.
Sipas banorëve, policia iu ka mbledhur telefonat me qëllim që ata të mos filmojnë aksionin për prishjen e tyre.
Ndërkohë, ish-deputeti i Partisë Demokratike, Klevis Balliu ka reaguar pas situatës së tensionuar, duke thënë se policia ka ushtruar dhunë ndaj fëmijëve, banorë të kësaj zone.
“Mercenarët dhunojnë fëmijët. Shteti është kthyer në pushtues.
Policia dhunë ndaj fëmijëve në Bregun e Lumit. E papranueshme.
Agim Hoxha zbaton urdhrat e krimit në pushtet. Edvin do mbash përgjegjësi deri në një si një kriminel dhe bandit që je”, shkruan Balliu.
