Mbledhja e radhës e Komisionit Hetimor Parlamentar për çështjen e inceneratorëve, ka nisur me debate. Drejtuesja e këtij Komisioni, Jorida Tabaku, tha se një prej dëshmitareve që do të pyetej për herë të dytë, Arjola Kodra, nuk është paraqitur në mbledhje. Ajo paralajmëroi se nëse nuk do të vinte në mënyrë vullnetare, do kërkonte ndërhyrjen e policisë për ta sjellë forcërisht.
Administratorja e Inceneratorit të Tiranës, Arjola Kodra, nuk është paraqitur në seancën degjimore. Kryetarja e Komisionit Hetimor, Jorida Tabaku, tha se “Zonjën Kodra, megjithëse kemi 20 minuta që e presim, nuk është shfaqur në Komision.
Unë i kerkoj stafit të Komisionit Hetimor që të vendosemi në kontakt me të. Të gjejmë një numer telefoni, ta rithërrasim edhe një herë në drekë. Në thirrjen e tretë, nese nuk paraqitet, për zonjën Kodra ne do të bëjmë të njëjtën procedurë që propozuam per z. Loran Dusha. Do të njoftojmë shërbimet e Policisë së Shtetit për ta sjellë këtu me forcë”, tha Tabaku.
