Ish-kryeministri Sali Berisha ka thënë se ka qenë vetë policia ajo që ka provokuar protestuesit. Pas tensionimit të situatës, ku protestuesit kanë vërshuar drejt Kryeministrisë, deputeti Berisha tha se ky ishte një skenar i qëllimshëm që të provokonte qytetarët protestues.
“Rama të ishte në zyrë, këtu të qëndronte. Ai s’po rri ja mbathi. Ndërkohë policisë i tha grisi demonstruesit. Skenar i një mendje djallëzore organizon. Po të jete burrë duhet të rrijë në zyrë ai e ka vendin në zyre jo t’ja mbathë dhe të përdhosë sheshin e Flamurit. Edhe atje do të ketë një dron nga ajri i cili do kërkojë arrestimin në shesh të Ramës, simbolikisht,”-tha Berisha.
Kujtojmë se protestuesit çanë kordonin e policisë dhe nisën të çmontojnë skelën tek kryeministria. Ata janë larguar nga godina e Kryeministrisë, pas policia ka hedhur gaz lotsjellës ndaj tyre.
