Tenderi i ushqimeve, SPAK merr të pandehur 3 zyrtarë të Ministrisë së Mbrojtjes

Prokuroria e Posaçme Kundër Krimit dhe Korrupsionit (SPAK) ka marrë të pandehur tre anëtarë të Komisionit të Vlerësimit të Ofertave pranë Ministrisë së Mbrojtjes, pas denoncimit të Partisë Demokratike për abuzim me tenderin e ushqimeve për familjet në nevojë.

Sipas gazetares Klodiana Lala, janë marrë të pandehur zyrtarët Ylli Imeri, Dafina Keca dhe Andrea Dapaj, të cilët akuzohen për shkelje të barazisë në tendera.

Lala bën me dije se SPAK, ka marrë në pyetje edhe ministren Xhaçka, por që nuk ka gjetur ansjë që ajo të ishte e përzier në këtë punë.

Bëhet fjalë për tenderin për ushqime për familjet në nevojë të marrë nga Ministria e Mbrojtjes, ku ky dikaster drejtohej nga Olta Xhaçka.