Masat ajrore të qëndrueshme do të dominojnë të gjithë vendin, ku orët e para të ditës do të sjellin kthjellime në ultësirën perëndimore dhe kalime të pakta vranësirash në zonat malore.
Sipas MeteoAlb, parashikohet që gjatë mesditës dhe kryesisht pasdites vranësirat do të bëhen të dukshme në të gjithë territorin, por nuk do të sjellin reshje.
Temperaturat e ajrit do të ulen në mëngjes, por do të vijojnë të rriten lehtë në mesditë, duke luhatur nga 10 gradë Celsius deri në 32 gradë Celsius.
Era do të fryjë lehtë dhe mesatare me shpejtësi 30 km/h nga drejtimi veriperëndimor, duke krijuar dallgëzim 2 ballë.
