Këshilltari i Presidentit Ilir Meta Tedi Blushi pasi doli nga Prokuroria e Tiranës deklaroi se sot ka vënë në dijeni organin e akuzës rreth çështjes së telefonatave kërcënuese.
“Kam vënë sot në dijeni organin e akuzës i cili besoj se do e zbardhë këtë çështje shumë shpejt. Kam besim te prokuroria, te organi i akuzës që do nxjerrë në dritë të vërtetën shumë shpejt. Prokuroria është njohur me të gjitha faktet. Sapo kam marrë këtë telefonatë, disa orë më pas kam vënë në dijeni edhe organet e drejtësisë”, tha Blushi.
Kujtojmë se pak ditë më parë Presidenca kërkoi zyrtarisht nga Prokuroria të zbardhte shantazhin dhe kërcënimin që i ishte bërë zëdhënësit të Kreut të Shtetit.
