Deputetë e PD-së dhe LSI-së i kanë bërë sot një kërkesë Komisionit të Medias që të thirrjet për një seancë dëgjimore kryetari i Bashkisë së Tiranës, Erion Veliaj për të dhënë llogari për Teatrin Kombëtar. Kërkesa është firmosur nga 6 deputetë, përkatësisht nga; Albana Vokshi, Romeo Gurakuqi, Endri Hasa, Kejdi Mehmetaj dhe Shezai Rrokaj.
Ndërkohë, pas kërkesës së opozitës, vjen edhe një reagim me shkrim nga deputetja e PS-së Vilma Bello.
Kjo e fundit, anëtare e këtij komisioni pohon se dy prej firmave të anëtarëve të LSI janë falsifikuar. Sipas saj bëhet fjalë për firmën e deputetes Kejdi Mehmetaj dhe Shezai Rrokaj.
Reagimi i deputetes Vilma Bello
Te nderuar deputete te Komisionit,
E nderuar kryetare e Komisionit,
Po shihja me interes dhe me vemendje kerkesen per:
Seancë dëgjimore me Kryetarin e Bashkisë së Tiranës, z. Erion Veliaj, për informacion dhe shpjegime të mëtejshme në lidhje me projektligjin “Për përcaktimin e procedurës së veçantë për negocimin dhe lidhjen e kontratës me objekt projektimin dhe realizimin e projektit urban dhe godinës së re të Teatrit Kombëtar”, ne godinen e Teatrit Kombetar (me kerkese te nje grupi deputetesh).
Besoj duhet te kete ndonje shkarje ne korrektesine e kerkeses, pasi firmat e dy prej deputeteve nuk ngjajne me te verteten e tyre. Ndoshta e keni bere kete prej ngutit te pashembullt qe keni treguar prej kohesh e ne vazhdimesi.
Uroj në reagimin tuaj distancues!
