Sulmuesi maqedonas, Goran Pandev ka luajtur “teatër” në ndeshjen mes Genoas dhe Lazios, në momentin që ishte 1-1. Një simulim i turpshëm i Pandev është bërë viral, kur sulmuesi kërkoi edhe penallti që arbitri nuk e akordoi kurrë.
Gjyqtari e dënoi me karton të verdhë dhe të gjithë menduan se çdo gjë u mbyll me kaq, por gjykatësit sportive e kanë marrë sërish këtë rast në shqyrtim dhe kanë vendosur që t’i japin një dënim tjetër. Ai do të paguajë një gjobë prej 2 mijë eurosh, diçka që nuk ka ndodhur kurrë më përpara, në rast simulimesh.
Tashmë të gjithë sulmuesit në kampionatin italian duhet të kenë kujdes pasi me shumë mundësi në raste të tilla do të dënohen edhe ata.
