Pas LSI-së, është PD-ja e cila pason reagimet në lidhje me çështjen e shumëdebatuar të Teatrit. Luan Rama e gjente të udhës për ti ngritur shumë pyetje një ndër aktorëve më të dashur, Robert Ndrenikës, se çfarë kishte ndodhur që ai kishte ndryshuar qëndrim.
https://tiranatoday.com/piruetat-e-nje-aktori-te-madh-nuk-do-tretem-ne-grope-veliaj-fut-ne-valle-dhe-ndreniken/
Basha, i ndjerë i pafuqishëm para vendimit të marrë nga një sërë artistësh bashkërisht, thotë se ata janë manipuluar për firmosjen e peticionit. Kreu demokrat nuk ka lënë pas edhe fyerjet ndaj kryeministrit, ndërsa solli në fokus edhe shumën që vihet në lojë. Ndër të tjera, Basha thotë se s’ka projekt për Teatër, por projekt për kulla.
“Është një aferë prej 200 mln eurosh, para publike. S’quhet më Tirana, por Tirama, kjo është ëndrra e psikopatit taleban. Kemi të bëjmë me një mashtrues serial.
Shpresa dhe besimi im është që kurajoja gazetareske do dalë mbi Edi Ramën. Kjo është çështja me të cilën do nisja bashkëbisedimin. S’ka projekt për Teatër, ka projekt për kulla. Të gjithë ata që se kuptojnë, janë mashtruar. Artistët janë manipuluar në kërkesën e tyre për një teatër dinjitoz”, tha Basha.
Për Bashën, një dekretim i ligjit nga Presidenti Meta, do të ishte një grusht shteti. Ai u shpreh i vendosur për të ndjekur të gjithë hapat ligjorë. Nëse kjo vijë e kuqe shkelet, atëherë jemi në gjendje lufte.
“Do ndjekim gjithë hapat ligjorë. Shkelja e të gjithë mekanizmave ligjorë, dekretimi në heshtje është pjesëmarrje në grusht shteti. E kam fjalën për çdo instancë që bëhet pjesë e kthimit të Parlamentit në një Rajshtag të stilit hitlerian e merr pushtete që nuk ia jep Kushtetuta. Nëse kjo vijë e kuqe shkelet, ne jemi de fakto në gjendje lufte civile. Nëse i vënë minat bashkëjetesës, s’do bëhemi kronikanë. Nëse ata i vënë minat Teatrit, ne do t’jua vëmë kullave, me ligj”, u shpreh Basha.
