Vuajtjet e familjarëve të të zhdukurve gjatë periudhës së luftës në Kosovë nuk kanë të ndalur, pasi një pjesë e madhe prej tyre ende nuk janë gjetur.
Presidenti i Kosovës, Hashim Thaçi, së bashku me kryetarin e Komisionit Qeveritar për persona të Zhdukur, Prenkë Gjëtaj, por edhe me përfaqësues të shoqatave të familjarëve të të zhdukurve, kanë zhvilluar homazhe pranë memorialit të ngritur për ndër të tyre.
I pari i Kosovës është zotuar se personalisht do të angazhohet që kjo çështje të mbyllet. Ai shtoi se fati i të zhdukurve do të diskutohet edhe në Bruksel.
“Ndërsa, këshilltari politik i kryeministrit, Jahja Lluka u zotua se ligji për të pagjeturit do të procedohet së shpejti në Kuvend për të ndryshuar nenin lidhur me përfitimet, pasi që kjo është kërkesë e kamotshme e familjarëve dhe ata do t’i marrin përfitimet e merituara”-shruan RTK.
