Gazetarja Klodiana Lala ka bërë një deklaratë të fortë për Saimin Tahirin. Ajo ka zbërthyer një nga mesazhet e koduara që avokati i tij, Maks Haxhia, i ka dhënë gjatë një seance. Sipas Lalës, është koha që Tahiri të flasë dhe të zhdukë në këtë mënyrë disa politikanë nga skena politike.
Lala mendon se Tahiri është një nga personat përgjegjës për kanabizimin, por nuk u zgjat më shumë për ketë temë. Këtu pati një ndërhyrje nga avokati Maks Haxhia, u cili tha se deklarata e tij për t’u veshur trashë është keqinterpretuar.
DEBATI:
Klodiana Lala: Unë besoj se Tahiri është një nga përgjegjësit kryesor për kanabizimin, por këtu nuk jemi për këtë gjë. Z. Haxhia e kam dëgjuar me vëmendje, tha atë natë, kështu siç kanë vajtur punët, u këshilloj të gjithëve të vishen trashë. Kështu që Tahiri…
Blendi Fevziu: Të flasë?
Klodiana Lala: Po të flasë…
Maks Haxhia: Jo, mos e keqinterpreto të lutem, nuk e thashë me atë kuptim
Klodiana Lala: Nëse Tahiri dëshiron t’i bëjë një nder këtij vendi, është të hapë gojën dhe të flasë. Të zhdukë disa persona nga skena politike.
Dje ish-ministri i Brendshëm, Saimir Tahiri, ka takuar bashkëshorten e tij. Takimi është zhvilluar në ambientet e paraburgimit në burgun 313, ku i pranishëm ishte edhe avokati i Tahirit, Maks Haxhiaj. Kujtojmë se Haxhiaj ka bërë me dije se në ditët në vijim do t’i drejtohen me rekurs Gjykatës së Lartë, për vendimin e Apelit të GJKKO.
Pas dënimit me 3 vite e 4 muaj burg, Tahiri u transferua në burgun 313, ku u vendos në godinën nr.2, godina e re e burgut. Për arsye sigurie ai është lënë i vetëm në një qeli, pasi në kohën kur ka qenë ministër i Brendshëm, janë arrestuar shumë nga të burgosurit që ndodhen aty. Ish ministri do të jetë nën vëzhgimin e autoriteteve të IEVP për 10 ditë, ndërsa pritet që dhe dënimin ta kryej po te 313.
