Kryesore

“Të vendosur deri në flijim”, Xhelal Mziu bën deklaratën e fortë për 30 qershorin

               Publikuar në : 16:45 - 26/06/19 S.N

Vetëm pak ditë na ndajnë nga 30 qershori, i cili pritet të sjellë përplasje teksa kemi dy qëndrime ekstreme e të dyja vijojnë të jenë këmbëngulëse.

Një deklaratë e fortë lidhur me ditën e zgjedhjeve vjen nga Kamza. Kryebashkiaku Xhelal Mziu ka deklaruar se është i gatshëm të shkojë deri në flijim për të drejtën e votës së lirë. Në një postim në Facebook, Mziu shkruan se nuk ka proces zgjedhor më 30 qershor në territorin e Bashkisë Kamëz.

“Ne jemi të vendosur deri në flijim për të drejtën e votës së lirë, për të cilën u ngritëm në vitet 90 për ta bërë Shqipërinë si gjithë Evropa”, shprehet ndër të tjera kryebashkiaku demokrat.

Postimi i plotë:

z.Xhelal Mziu: Kryetar I Partisë Demokratike Dega Kamëz, nuk ka proces zgjedhor më 30qershor 2019 në territorin e Bashkisë Kamëz.

Strukturat drejtuese të Partisë Demokratike Dega Kamëz dhe Paskuqan janë mbedhur në një takim në praninë e kryetarit të PD-së dega Kamëz, z.Xhelal Mziu duke shpalosur vendosmërinë e tyre për ta kthyer procesin zgjedhor” Nul”, që më shumë gjasa nuk do të ketë një process të tillë, por edhe nëse Maduro I Shqipërisë mendon për një çmënduri të tillë, në Kamëz dhe kudo në Shqipëri shumica absolute nuk mund të pranojë paligjshmërinë në shkelje të hapur të Kushtetutës dhe zbatimit të Dekretit nr.11199 të Presidentit të Republikës.
Strukturat dhe mbarë banorët e Bashkisë Kamëz kanë shprehur mbështetjen e jashtëzakonshme për të mos lejuar një proces “Farsë” në kurriz të instalimit të një Neodiktature territorial.
Ne jemi të vendosur deri në flijim për të drejtën e votës së lirë, për të cilën u ngritëm në vitet 90 për ta bërë “Shqipërinë si gjithë Evropa”.
Kamza e vendosur der në fund për zgjedhje të lira dhe të ndershme!

fdg.jpg

Kthehu
WhatsApp Denonco ne TT