Kristian Fermosi është personi që ka qëlluar me armë zjarri mbrëmjen e kaluar në Shkodër. Pas një konflikti të çastit me dy vëllezërit David dhe Ardian Kiri, ka qëlluar me armë zjarri pistoletë drejt tyre dhe është larguar.
Ngjarja ka ndodhur mbrëmjen e djeshme në lagjen “Skënderberg”, Shkodër.
Nga makina e tij, Fermosi ka qëlluar në drejtim të mjetit ku ishin Ardian e David Kiri. Fermosi është shpallur në kërkim.
Shërbimet e policisë dhe një grup i FNSH-së Shkodër po kontrollojnë zonën, me qëllim lokalizimin dhe kapjen e autorit.
Njoftimi i policisë
Shkodër/Informacion paraprak
Në lagjen “Skënderbeg”, Shkodër, dyshohet se pas një konflikti të çastit mes shtetasit K.F dhe vëllezërve D. K e A. K, shtetasi K.F dyshohet se ka qëlluar me armë zjarri pistoletë dhe është larguar. Nuk ka persona të lënduar.
Shërbimet e Policisë dhe një grup i FNSH-së Shkodër po kontrollojnë zonën me qëllim lokalizimin dhe kapjen e autorit.
Grupi hetimor nën drejtimin e Prokurorisë po vijon veprimet për sqarimin e rrethanave dhe dokumentimin ligjor të ngjarjes.
