Të shtëna me armë zjarri janë dëgjuar pasditen e sotme në qytetin e Durrësit. Ngjarja ka ndodhur në lagjen nr 13, teksa pranë një hoteli janë gjetur 5 gëzhoja. Burimet e policisë raportojnë se ngjarja ka ndodhur pas një konflikti për motive të dobëta mes disa të rinjve, teksa një prej tyre ka qëlluar në ajër dhe është larguar.
Njoftimi i policisë
Durrës/Informacion paraprak
Më datë 02.07.2020, rreth orës 16:30, në lagjen nr.13, Durrës, pas një konflikti të çastit, shtetasi A.V dyshohet se ka qëlluar në ajër me armë zjarri.
Shërbimet e Policisë janë vënë në ndjekje të autorit. Ndërkohë janë shoqëruar në Polici për sqarimin e rrethanave të ngjarjes, disa persona që dyshohet se janë përfshirë në konflikt.
