Të shtëna me armë zjarri janë regjistruar mesditën e sotme në Shkodër, ku qëlluar në drejtim të makinës së policisë Bashkiake të Malësisë së Madhe.
Për pasojë ka mbetur i plagosur Shefi i Policisë Bashkiake të Malësisë së Madhe, Mentor Hasanaj.
Ndërkohë, në automjet ka qenë edhe i ati i tij Xhelal Hasanaj, i cili githashtu është plagosur, si dhe bashkëshortja Vjollca Hasanaj, e cila fatmirësisht nuk është lënduar.
Drejt tyre ka qëllaur një person i cili qarkullonte me motor.
”Më datë 11.10.2020, rreth orës 12:30, në aksin rrugor Shkodër-Koplik, një person i paidentifikuar që qarkullonte me motomjet, ka qëlluar me armë zjarri në drejtim të mjetit të Policisë bashkiake Malësia e Madhe ku udhëtonin shtetasit M. H. 37 vjeç, V. H. 28 vjeçe dhe Xh. H. 70 vjeç, banues në Malësinë e Madhe. Si pasojë janë plagosur shtetasit M. H, me detyrë Shefi i Policisë bashkiake në Malësinë e Madhe dhe Xh. H., i ati i tij, të cilët janë dërguar në Spitalin Rajonal Shkodër për ndihmë mjeksore’’, informon policia.
Grupi hetimor ndodhet në vendngjarje dhe nën drejtimin e Prokurorisë po vijon punën intensive për grumbullimin dhe fiksimin e çdo prove që do t’i shërbejë zbardhjes së ngjarjes dhe indetifikimin e autorit
