Të shtëna me armë zjarri janë regjistruar pasditen e sotme në aksin rrugor, Lezhë-Milot.
Mësohet se një person, i identifikuar me inicialet, A.D është plagosur në krah.
Ai është transportuar për në spitalin e Traumës në Tiranë.
Ngjarja ka ndodhur pak minuta më parë pranë një lokali në këtë zonë.
”Në aksin rrugor Lezhë-Milot,në rrethana ende të paqarta është plagosur me armë zjarri shtetasi A.D. banues në Lezhë ,i cili është transportuar në spitalin e Traumës, Tiranë.” informon policia.
Grupi hetimor ndodhet ne vendngjarje dhe po punon për zbardhjen e plotë të rrethanave të ngjarjes.
Shërbimet e Policisë të D.V.P. Lezhë, të Komisariatit të Policisë Lezhë dhe FNSh po krehin zonën si dhe janë ngritur pika kontrolli me qëllim identifikimin dhe kapjen e autorit/ëve.
Makinë e djegur pranë vendngjarjes
Një makinë është gjetur e djegur në Lezhë, pak minuta pas të shtënave me armë ku u palgos në gjoks Aleksandër Deda i cili është dërguar në spitalin e Traumës.
Makina e djegur, dyshohet se është e autorëve por ende është një detaj i pakonfirmuar.
