Të shtëna me armë zjarri janë regjistruar mbrëmjen e sotme në Berat, ku një person ka mbetur i plagosur. Ngjarja ka ndodhur në një lokal në fshatin Poshnje.
I riu ishte në lokalin e xhaxhait të tij, në momentin që persona ende të paidentifikuar janë afruar dhe e kanë qëlluar me armë zjarri, duke e lënë të plagosur.
I plagosduri është identifikuar si Iliaz Ismaili 33 vjeç, teksa mësohet se kohët e fundit ai ishte kthyer nga Anglia.
“Më datë 21.05.2021, rreth orës 18:00, në fashatin Poshnje, në rrethana ende të paqarta është plagosur me armë zjarri pistoletë, shtetasi I.I., 33 vjeç, i cili u dërgua në Spitalin Rajonal Berat, jashtë rrezikut për jetën.”, informon policia.
Ismailaj është dërguar në Spitalin Rajonal Berat, dhe për fat të mirë është jashtë rrezikut për jetën. Rrethanat e ngjarjes janë të paqarta, ndërkohë policia, ka shkuar menjeherë në vendngjarje, ku ka bërë rrethimin e zonës dhe po kryejnë kontrolle për kapjen e autorit.
“Gjithashtu janë shoqëruar në Komisariat disa shtetas të cilët dyshohen se kanë dijeni për ngjarjen.”– njofton policia.
Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave të ngjarje, si dhe mbledhjen e çdo prove të mundshme që do çojë në identifikimin dhe kapjen e autorëve.
