Vijon protesta e banorëve të Astirit për të mbrojtur banesat e tyre nga shembja, për shkak të vijimit të punimeve për zbatimin e projektit të Unazës së Madhe.
Mbrëmjen e sotme, kjo protestë ka zgjatur më shumë se zakonisht, pasi aty janë shfaqur forcat e policisë, ndërkaq banorët u kanë bërë thirrje edhe ambasadorëve të huaj që të dalin përkrah tyre pasi ndihen të kërcënuar.
Në protestë ka shkuar dhe kreu i Partisë Demokratike, Lulzim Basha, i cili bën fajtor qeverinë për terrorin që po i shkakton qytetarëve.
Ndërkohë, ish-deputeti demokrat Klevis Balliu shkruan në rrjetet sociale se Policia po përgatitet për dhunë kundër banorëve të Unazës së Re.
