Një grua shtatzënë e prekur nga virusi AH1N1 ka ndërruar jetë në spitalin e Sanatoriumit. Gruaja ka bërë lindje të parakohshme, teksa ka sjellë në jetë dy binjakë, njëri prej të cilëve ka ndërruar jetë në maternitet.
Mësohet se foshnja tjetër është në gjendje të mirë shëndetësore dhe jashtë rrezikut për jetën. Binjakët prematurë po trajtoheshin në maternitetin e Tiranës pas lindjes parakohe.
Viktima është një grua 30-vjeçare, e cila ishte shtruar prej 2 javësh në spital për shkak të virusit dhe ka ndërruar jetë sot.
Kujtojmë se në spitalin “Shefqet Ndroqi” në Tiranë kanë humbur jetën katër persona si pasojë e virusit të gripit AH1N1.
