Thirrja për protestë ndaj dëgjimit të apelit të studentëve, i janë bashkuar edhe të moshuarit. Disa të moshuar i janë bashkuar të rinjve, ndërsa mbanin në duar pankarta me mesazhin: “Edhe ne jemi student”.
Protesta ka marë një shtrirje të gjerë, ku përpos studentëve nga shteti, i janë bashkuar edhe ata nga privati.
Sot në orën 16:00 është afati i fundit që studentët i kanë lënë qeverisë, për plotësimin e kërkesave të tyre. Në të kundërt, ata do të hidhen në grevë urie.
Prej orëve të para të ditës, me mijëra studentë, gjimnazistë, por dhe qytetarë, vijojnë rezistencën para Ministrisë së Arsimit.
