Ambasadori i Bashkimit Europian në Shqipëri, Luigi Soreca, e cilësoi Reformën në Drejtësi si pjesë e historisë moderne. Teksa mori fjalën në tryezën e “Ministeriali i Drejtësisë”, ambasadori apeloi që të mos ketë vonesa të pajustifikuara për krijimin e SPAK dhe BKH. Ndër të tjera, Soreca nënvizoi se Shqipëria ka bërë një transformim të thellë, si pak vende në botë dhe se Reforma në Drejtësi nuk ka kthim pas. Ai tha në fjalën e tij se reformat kërkohen nga qytetarët, dhe se asnjë ndryshim themelor nuk ndodh brenda natës, por duhet të filloj diku.
“Gjithçka ka të bëjë më drejtësinë, sepse ajo është themeli i demokracisë funksionale. BE ka qenë krenare, dhe është krenare që ka punuar pa fund për të mbështetur Shqipërinë në Reformën në Drejtësi.
Reformat nuk ndodhin se pse i kërkojmë ne, por reformat kërkohen nga qytetarët. Asnjë ndryshim themelor nuk ndodh brenda natës, por duhet të filloj diku.
Reformën në Drejtësi shumë pak vende e kanë bërë, dhe gjyqtarët e korruptuar janë jashtë sistemit të drejtësisë. Reforma në Drejtësi, është pjesë e historisë moderne të Shqipërisë.
Ne presim krijimin e BKH dhe SPAK, dhe detyra është që mos të këtë ngadalësim në këtë rrugëtim. Historia e Reformës në Drejtësi është një histori përkushtimi konsensusi mes palëve politike. Nuk ka demokraci pa drejtësi, që mbron të drejtat e qytetarëve”, tha ai.
