Gjykata e Kavajës ka caktuar masën e sigurisë “arrest shtëpie” për një 60-vjeçar, i cili akuzohet se ka ngacmuar seksualisht një të mitur.
Shtetasi me inicialet A.Sh., akuzohet se sulmoi seksualisht 13-vjeçaren në Durrës. Sakaq, seanca gjyqësore është mbajtur me dyer të mbyllura. Para disa ditësh, në dëshminë e dhënë në komisariat, i moshuari ka mohuar kategorikisht të ketë prekur të miturën.
“Nuk e kam prekur. Unë e njoh prej kohësh, se jetojmë në të njëjtin vend kur vijmë me pushime. Nuk është e vërtetë që e kam prekur vajzën apo të kem pasur tendencë për këto veprime”.
Lidhur me këtë rast, ishin prindërit e vajzës që e kanë denoncuar 60-vjeçarin për ngacmim seksual. E mitura ka dëshmuar se ai e ka ngacmuar, dhe e ka prekur në vende intime.
