Kryetari i FRPD-së, Belind Këlliçi thotë se në protestën e ditës së sotme nuk do të ketë akte dhune por vetëm marshim.
Ndër të tjera, Këlliçi thekson se shumë të rinj janë kërcënuar që të mos marrin pjesë në protestë dhe për këtë arsye ata mbajnë maska për të mos u identifikuar.
“Nuk ka pse të ketë asnjë shqetësim. Duhet të kemi shqetësimin e njerëzve të infiltruar nga ministri i Brendshëm për akte dhune. Do të jetë një tubim marshim. Janë me mijëra qytetarë që janë përgjigjur në kohë rekord. Duke qenë se kemi pasur një numër rekord persona të proceduar, ka shumë të rinj që mbajnë maska për të mos u identifikuar, por të jeni të bindur që nuk do të ketë asnjë akt dhune. Shumë të rinj kanë marrë telefonata duke u kërcënuar që të mos marrin pjesë në protestë”, tha Këlliçi për “A2 CNN”.
