Mijëra simpatizantë të opozitës së bashkuar, pavarësisht reshjeve të shiut po vijojnë marshimin e tyre, ndërsa kanë bllokuar qarkullimin në rrugët kryesore të kryeqytetit.
Siç shihet dhe nga pamjet, teksa janë nisur të shkojnë drejt Drejtorisë së Përgjithshme të Policisë, shumë automjete veçanërisht tek “Rruga e Elbasanit” janë penguar nga turma e protestuesve të cilët janë futur mes makinave duke bllokuar qarkullimin, e duke shkaktuar irritim tek drejtuesit e mjeteve.
Duke iu referuar itinerarit të opozitës, pas Drejtorisë së Përgjithshme të Policisë së Shtetit, protestuesit do të lëvizin drejt Parlamentit, më pas tek Ministria e Brendshme dhe në fund tek Policia e Tiranës.