Pas situatës kaotike që krijoi tërmeti i 26 nëntorit, nisin hetimet për inspektimin e objekteve të rrënuar nga tërmeti.
Dy ekipe nga Prokuroria e Durrësit do të nisin hetimet fillimisht tek ndërtesat që kanë shkaktuar viktima. Më pas hetimi do të shpërndahet në 200 objekte të tjera të cilat kanë pësuar dëmtime nga lëkundjet e tërmetit.
Ndërkohë mësohet se është urdhëruar sekuestrimi i 200 dosjeve me lejet e ndërtimit, raporti i institutit sizmologjik për ndërtimet e kryera, raporti i kolaudimit dhe parametrat teknikë për konstruksionin metalik dhe betonin.
