Operacioni Forca e Ligjit ka zbarkuar në Berat ku u ka dërguar formularin e vetëdeklarimit të pasurisë, 4 ish-të dënuarve për drogë dhe vjedhje.
Duhet të deklarojnë pasurinë shtetasit:
- E.F, (M.), banues në Kuçovë, i dënuar në Zvicër, për veprën penale “Shitja e lëndëve narkotike”;
- F.D, banues në Berat, i dënuar për veprën penale “Trafikimi i narkotikëve”;
- R.C, banues në Berat, i dënuar për veprën penale “Trafikimi i narkotikëve”, kryer në bashkëpunim, mbetur në tentativë;
- M.M, banues në Berat, i dënuar në Greqi, për veprën penale “Vjedhja me dhunë”, e mbetur në tentativë.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
