Kryeministri Edi Rama ka realizuar dje takimin me qytetarët e Kukësit ku edhe ndër të tjera ka prezantuar zyrtarisht Safet Gjicin, kandidat për kryebashkiak. Njëkohëshit përveç qytetarëve të pranishëm në takim me Ramën ka pasur edhe simpatizantë nga opozita të cilët e kanë pritur me protesta.
Në rrjetin social facebook kryeministri ka replikuar me komentuesit që e kanë ironizuar duke u shprehur se kuksianët e bënë të largohet me helikopter nga Kukësi.
Ndërkohë tashmë e njohur edhe taktika e Ramës, nuk ngurron ti përgjigjet sipas mënyrës së tij.
Komentuesi: Kuksjanët ta treguan vendin, të bën me ik me helikopter nga Kukësi, këta janë kuksjanët.
Rama: Ke të drejtë shumë, ata 100 qorra me kryetarin e bashkisë në krye që bllokojnë rrugën, duke kërkuar sherr janë kuksianet, kurse mijëra burra e gra e vajza e djem, qe mblidhen për te më mirëpritur s’janë kuksianët! Zoti ta pruftë mbarë se qenke mbrapsht krejt o mik.
