Nëntë personat e arrestuar si personat përgjegjës për viktimat e tërmetit të 26 nëntorit do të jenë sot para togave të zeza. Prokuroria e Durrësit ka kërkuar masën e sigurisë “arrest në burg” ndërsa sot gjykata e Durrësit pritet të vendosë për fatin e tyre.
Gjyqtari që ka marrë në shqyrtim çështjen Paulin Cera, i cili është zgjedhur me short elektronik. Ndërsa, prokuroria do të përfaqësohet nga prokurorët Pali Deçolli, Edmond Kaloshi dhe Madrid Kullolli.
Të arrestuarit do të përballen me akuzën “Shpërdorimi i detyrës”, “Falsifikimi i dokumenteve”, “Vrasja me dashje” e kryer në mënyrë indirekte dhe “Vrasja në rrethana cilësuese” të një ose me shumë personave të kryer në mënyrë indirekte.
