Dy persona janë arrestuar nga Policia e Beratit, pasi shpërndanin lëndë narkotike në doza të vogla në zonën e Çorovodës dhe posedonin armë zjarri. Si edhe kishin tendencë në fushën e kultivimit të bimëve narkotike. Ndërkohë një tjetër shtetas është në procedim penal në gjendje të lirë për veprën penale “Moskallëzim krimi”.
Nga informacionet e policisë bëhet me dije se autoritetet lokale arrestuan në flagrancë 46-vjeçarin P.K., të cilit gjatë kontrollit fizik iu gjetën dhe sekuestruan, 11 doza Kokainë, 520 euro, 57.400 lekë dhe 4 aparate celular.
Si edhe 37-vjeçarin E.H., i dënuar edhe më parë. Këtij të fundit iu gjetën dhe sekuestruan 1 armë zjarri Pistoletë me 6 fishekë dhe 1 dozë Kokainë, si dhe gjatë kontrollit në banesë iu gjetën një sasi farash cannabis sativa, 1 armë gjahu dhe 27 gramë lëndë narkotike Cannabis Sattiva.
Pronari i lokalit, 44-vjeçari L.S., është duke u gjykuar në gjendje të lirë.
Policia bën me dije se materiale i kanë kaluar Gjykatës së Shkallës së Parë Berat, për veprat penale “Prodhimi dhe shitja e lëndëve narkotike”, “Mbajtja e armëve dhe municioneve pa leje”, “Mbajtja e armëve të gjahut pa leje”.
