Pas vendimit të Ministrisë së Financave për t’i bllokuar fondet Bashkisë së Shkodrës, me argumentin se ka përfunduar mandati i Voltana Ademit, ka ardhur edhe reagimi i ish-deputetit demokrat, Bardh Spahia.
Përmes një postimi në Facebook, Spahia shprehet i revoltuar ndaj kryeministrit Rama, teksa i thotë t’i lërë provokimet, pasi shërbimet ndaj qytetarëve janë një detyrim kushtetues dhe se për to paguajnë taksa.
“A do pranojë 5%-shi të hajë bar për partinë? E sigurt është se 85% e shkodranëve nuk do e pranojnë! Prandaj Edi Rama lëri provokimet! Shërbimet ndaj qytetarëve janë një detyrim kushtetues, e për to paguajnë taksa, jo të ardhurat e Surrelit që i menaxhon si të duash”, shkruan ai.
Postimi i plotë:
MOS E PROVOKO SHKODREN EDI RAMA!
Nuk priti as 24 ore, pa e nxjerre ne pah mllefin politik, qe ende nuk e ka kapur Shkodren si bashkite e tjera, natyrisht per shkak se perzgjedh kriminele per te perfaqesuar qeverisjen e vet.
Me urdher politik e pa nje reference ligjore Ministria e Financave bllokon permes deges se thesarit procedurat e likuidimit per fondet dhe investimet e bashkise Shkoder. 11 vjet ne krye te bashkise Tirane, Edi Rama e ka te qarte se nuk po bllokon Voltana Ademin por vec u heq sherbimet qytetareve te bashkise Shkoder.
Mllefi qe e katandisen ne 5% pjesemarrje eshte aq i madh sa te sakrifikoje edhe qytetaret e 5 %-it qe i votuan kandidatin e inkriminuar. Socialistet e Shkodres po e kane te qarte qe per Ramen, jane thjesht numra ne funksion te karriges se tij, e jo banore te nje qyteti qe kryeministri ilegjitim u mburr se e ka prioritet. A do pranoje 5%-shi te haje bar per partine? E sigurt eshte se 85% e shkodraneve nuk do e pranojne! Prandaj Edi Rama leri provokimet! Sherbimet ndaj qytetareve jane nje detyrim kushtetues, e per to paguajne taksa, jo te ardhurat e Surrelit qe i menaxhon si te duash! #Turp
