Ish-ministri i Drejtësisë, Ylli Manjani ka reaguar lidhur me deklaratat e numrit 2 të Partisë Socialiste, Taulant Balla, i cili u shpreh se: “Rezultati i atyre zgjedhjeve që flitet në përgjime, është vullneti i përpiktë i popullit të Dibrës…”
Përmes një statusi në “Facebook”, Manjani ironizon duke shkruar se Balla ka të drejtë, për sa kohë rrethohet nga dibranë që kanosin e blejnë votat e qytetarëve. Ndërsa nënvizoi duke thënë se blerësi i votave është i pafytyrë, ndërsa shitësi është faqezi.
Po ashtu, Manjani shtoi më tej se për sa kohë ka shqiptarë që e shesin votën për 5 mijë lekë dhe një thes miell, Balla dhe kolegët e tij do të angazhohen sërish për të blerë votat.
Postimi i plotë:
1.Balla thotë:
“Rezultati i atyre zgjedhjeve që flitet në përgjime, është vullneti i përpiktë i popullit të Dibrës…”
==================
Ka të drejtë!
Përsa kohë, Keshi, Manja,
Skura, Gjetani etj aty janë dibranë që kanosin e blejnë dibranë, ka të drejtë Taulanti nga Librazhdi.
Përsa kohë që mesuesit, që duhet të edukojnë fëmijët e Dibrës shiten për vendin e punës, pa dyshim që blerësit e tyre kanë të drejtë!
Përsa kohë që polici i Kamzës një tjetër Dibran uron “fitore” pasi ka kontribuar në terrorizimin e votuesve, ka të drejtë Taulanti.
Ka shumë të drejtë Taulanti përsa kohë ai, shefi i tij e grupi i tyre nuk gjenden nën akuzë nga ligji, por në krye të shtetit!
Dhe në fund, po jo pa rëndësi, më duhet ta pranoj edhe këtë llogjikë që votën në kuti populli e hodhi!???
Më hir apo pa hir, me 5 000 lekë apo me një thes miell, populli e hodhi atë votë.
Kam thënë dhe vijoj të bindem se:
Bleresi i votave është i pafytyrë. Shitësi është faqezi!
==============
Prandaj ata angazhohen pa ju dridhur zëri se do ta bëjnë prap të njëjtin krim. Ashtu të organizuar siç janë…
