Presidenti Meta pohoi për gazetarët se mori garanci nga kreu i grupit parlamentar të PS Taulant Balla, që mazhoranca është gati për zgjedhje në 6 mars dhe nuk do t’i bojkotojë ato. Ai hodhi edhe thumbat e radhës, duke u shprehur se Taulanti është i madhërishëm, sepse është përfaqësues i shumicës, por i cakton vendin edhe pakicës.
Pas takimit që zhvilloi me kryetarin e grupit parlamentar të PS, Taulant Balla, Meta doli në një deklaratë për mediat duke theksuar se kanë qenë vetë socialistët ata të cilët bënë një kërkesë informale për konsultim me presidentin.
Polemika me opozitën?
“Nuk ka arsye. Nuk kemi përse të spekulojmë. Ky takim nuk ishte një çështje e rëndësishme që të ftoja Kryetarin e Kuvendin. Kam pasur vetëm një shqetësim, se mos i bojkonte shumica. Kemi marrë garanci nga shumica.
Opozita nuk mund të ankohet, nëse jep një ditë më shumë për të hyrë në zgjedhje. Z. Taulant është i madhërishëm, është përfaqësues edhe i shumicës, por cakton vendin edhe pakicës. Mora garanci nga Balla, janë të gatshëm në çdo kohë, s’ka pasur ftesë zyrtare për asnjë parti. Dy data janë 27 shkurt ose 6 mars, Meta nuk kërkon datë, por jep një datë dhe më e rëndësishëm për Metën është KQZ.
Kam komunikuar edhe me KZQ, Kuvendin dhe Këshillin e Ministrave. Raporti im në këtë rast është me qytetarët në Bashkitë, ku aktualisht drejtojnë njerëz të pavotuar as nga partitë. Nuk kisha më çfarë të prisja pas vendimit të GjK”.
