Të paktën 13 ushtarë afganë kanë mbetur të vrarë gjatë një përplasje me armë me forcat talibane. Sipas “Free Europe” talibanët kanë sulmuar një pikë kontrolli në provincën veriore të Kunduz-it në Afganistan.
Deri tani, të dhënat janë kontradiktore për numrin e saktë të viktimave. Nëpër mediat vendase deklarohen 13 viktima, ndërsa qeveria pretendon se 8 janë vrarë, 3 janë rrëmbyer dhe 4 të tjerë janë të plagosur. Sulmi ndodhi vetëm një ditë pas vrasjes së dhjetë policëve në një stacion policor në provincën Baghlan.
