Arton Zekaj, futbollisti që është në pronësi të skuadrës franceze Lille do të bashkohet përfundimisht me Kosovën. FIFA më në fund i ka dhënë leje që lojtari të shkëputet nga Serbia dhe të jetë i gatshëm për të përfaqësuar dardanët që në ndeshjen e radhës.
Zekaj do të luaj fillimisht te ekipi i U-21 i Kosovës, atje ku do të pasurojë ekipin që drejtohet nga Rafet Prekazi. Futbollisti 19-vjeçar luan në rolin e mesfushorit, ndërsa ka përfaqësuar të rinjtë e Serbisë. FIFA i kishte dërguar kërkesën këtyre të fundit, për të lënë të lirë Zekajn.
