Facebook ka konfirmuar se i konsideron talebanët një organizatë terroriste, dhe kështu ndalon grupin dhe të gjitha përmbajtjet që e mbështesin atë nga platformat e tij.
Rrjeti social thotë se ka një ekip të dedikuar ekspertësh afganë, për të monitoruar dhe hequr përmbajtjen e lidhur me grupin.
Facebook thekson se politika zbatohet për të gjitha platformat e tjera, përfshirë Instagram-in dhe WhatsApp-in.
Sidoqoftë, ka raporte se talebanët po përdorin Whatsapp-in për të komunikuar. Facebook i tha BBC -së se do të merrte masa nëse zbulonte se llogaritë në aplikacion ishin të lidhura me grupin.
Platformat rivale të mediave sociale si Twitter dhe YouTube gjithashtu janë vënë nën kontroll mbi mënyrën se si ata trajtojnë përmbajtje të lidhura me talebanët.
Burimi i lajmit: BBC. Përshtatur nga Tirana Today
