Një aksident tragjik është shënuar në orët e para të ditës në aksin Milot-Mamurras, ku ka humbur jetën një grua e janë plagosur tre fëmijët e saj. E ndjera së bashku me fëmijët po udhëtonin në një taksi, ku për fat të keq ka humbur kontrollin dhe ka dalë nga rruga.
Burimet jo zyrtare bëjnë me dije se një mjet taksi që po udhëtonte në drejtim të Rinasit, ka dalë nga rruga dhe është përplasur me një objekt. Gruaja, identiteti i së cilës nuk bëhet me dije është dërguar në Spitalin e Traumës, por nuk ka mundur që t’i mbijetojë plagëve.
Fatmirësisht, tre fëmijët ndodhen në spital, jashtë rrezikut për jetën. Sakaq, drejtuesi i mjetit është shoqëruar në polici, dhe shkak dyshohet se është pagjumësia.
