Dalin në dritë detaje të reja nga takimi i zhvilluar dje mes Edi Ramës dhe kryeministrit grek, Kyriakos Mitsotakis.
Korrespodenti i Top Channel në Athinë, Artur Bibe tha se ky takim ka prodhuar mjaft pozitivitet dhe se pala greke mbeti e kënaqur.
Sipas tij, për çështjen e zgjidhjes së kufirit mund të hyjë edhe një palë e tretë, e cila mendohet të jetë Italia.
“Rama ka thënë për një palë të tretë mike, kjo palë duhet të jetë Italia, pasi para pak muajsh ka pasur një marrëveshje shumë të drejtë dhe Greqia mund të pranojë, pra që vendi mik është Italia. Dua të them, se pala greke ishte shumë kënaqur. Mitsotakis dhe Rama u larguan nga takimi por ngelën anëtarët e ekipit grek, dhe ata thanë të gëzuar: Ok, tashmë e kemi një partner. Ndërkohë Rama ua ka bërë të ditur se gjithçka do bëhet sipas konventës ndërkombëtare”, tha ai për emisionin “Open”.
