Ish-ministri i Jashtëm dhe njëherësh kreu i Partisë Demokracia Sociale, Paskal Milo teksa foli për krizën politike në vend, theksoi se vonesa e zgjidhjes po ushqen idenë e vjetër se ne nuk mundemi të qeverisemi.
I ftuar këtë mbrëmje në “Open”, Milo deklaroi ndër të tjera se një takim mes kryeministrit Rama dhe liderit demokrat Basha do të jetë fatkeqësia e radhës politike.
“Nëse ndodh do jetë fatkeqësia politike e radhës. Vitet kanë treguar se kur ndodhin takime të tilla që vendosin dy njerëz për fatet e Shqipërisë dhe të shqiptarëve dhe kur nuk ka transparencë, atëherë dihet se do riciklohet një krizë në të ardhmen”, tha Milo.
