Presidenti, Ilir Metaka zhvilluar ditën e sotme një takim me një grup nxënësish nga Prishtina, teksa bën apel se duhet të jemi më të vëmendshëm për mbështetjen e të rinjve.
Përmes një postimi në Facebook, Meta shprehet se u impresionua nga bashkëbisedimi me disa nga fëmijët, teksa i cilësoi ata si “një mundësi e shkëlqyer për progres shoqëror, por edhe për prezantimin me dinjitet të vlerave të kombit shqiptar, në përpjekjet për të kapur majat e shkencës, teknikës dhe teknologjisë botërore”.
Postimi i plotë:
I impresionuar nga bashkëbisedimi që pata sot me disa nga fëmijët me inteligjencë të jashtëzakonshme të Institutit “ATOMI” – Prishtinë.
Shqipëria?? dhe Kosova?? duhet të jenë më të vëmendshme për mbështetjen e këtyre të rinjve, si një mundësi e shkëlqyer për progres shoqëror, por edhe për prezantimin me dinjitet të vlerave të kombit shqiptar, në përpjekjet për të kapur majat e shkencës, teknikës dhe teknologjisë botërore.
Me bindjen se do ta realizojnë maksimalisht veten, u urova shumë suksese, besimplotë se do të jenë disa nga liderët tanë të së ardhmes në shumë fusha!
