Kryeministri Edi Rama ka ndarë sot një video ku shfaqet mbrëmë vonë në Samitin e Berlinit, në qendër të së cilit ishte dialogu Kosovë-Serbi.
Siç duket në video, kryeministri Rama takohet me Merkel dhe më pas ka një përshëndetje mjaft miqësore me presidentin Macron, të cilit më tej i thotë diçka.
“MIRËMËNGJES dhe me pamjet e mbrëmjes së vonë, dje pas një dite të gjatë me përfundime inkurajuese, mbi sfidat e vendit e të rajonit dhe procesin e paqes përfundimtare mes Kosovës e Serbisë, ku tanimë ka një angazhim të shtuar të Gjermanisë e të Francës, ju uroj një ditë të mbarë”, shkruan kryeministri në Facebook.
Sa i takon çeljes së negociatave, ministri në detyrë Cakaj deklaroi se Gjermania mbështet Shqipërinë në këtë proces, ndërsa nga ana tjetër, burime thanë për DË se procesi për çelje negociatash shtyhet deri në shtator.
https://www.facebook.com/edirama.al/videos/428055787956257/
