Presidenti Ilir Meta dha një prononcim për mediat pas mbledhjes së Këshillit të Integrimit Evropian.
Një nga pyetjet që iu bë kreut të shtetit ishte lidhur me takimin me kryeministrin Rama, teksa një nga gazetarët e pyeti nëse janë sheshuar konfliktet mes tyre.
Meta tha se mbetet i hapur dhe i disponueshëm për çdo angazhim, sa i takon çështjes së integrimit evropian.
“Meqenëse pyetja fjali mbaroi, si puna e pishës flamur. Për çështjen e integrimit, po flisnim. Për këtë çështje jam dhe do të mbetem i disponueshëm, për t’ju përgjigjur çdo ftesë dhe angazhimi. Kam bërë çdo gjë që Shqipëria mos të humbasë kohën. Dhe para 20 vitesh, Shqipëria ka qenë përpara Serbisë, Malit të Zi. Sot jemi në një situatë jo shumë pozitive dhe mjaft qytetarë kanë humbur besimin. Duhet të tregojmë besueshmëri, të rikthejmë shpresën tek qytetarët tanë. Të fitojmë energji të reja”, tha ai.
