Presidenti Ilir Meta ka zhvilluar ditën e sotme një takim lamtumire me ambasadoren gjermane në Tiranë, Susanne Schütz, e cila mbyll mandatin e saj në Shqipëri.
Ai e ka bërë të ditur këtë gjë përmes disa fotove të shpërndara në Facebook, ku krahas tyre shkruan se Shqipëria do e ketë gjithmonë mbështetjen e Gjermanisë.
“Tek Gjermania mike dhe partnere strategjike e Shqipërisë do vijojmë të mbështetemi me besim dhe bashkëpunim gjithnjë e më të afërt”, shkruan Meta në postimin e tij.
Postimi i plotë:
Sot prita në takimin e lamtumirës Ambasadoren gjermane Susanne Schütz, e cila mbaron mandatin e saj në Shqipëri.
Tek Gjermania mike dhe partnere strategjike e Shqipërisë do vijojmë të mbështetemi me besim dhe bashkëpunim gjithnjë e më të afërt.
Mirëpres angazhimin e sinqertë dhe vendimtar të Bundestagut për të ndihmuar në rrugën drejt çeljes së negociatave të anëtarësimit të Shqipërisë me Bashkimin Europian dhe për përparimin e vendit drejt standardeve demokratike europiane.
